Il testo

Adda passà ‘a nuttata
ma è appena accuminciata
‘sta storia adda fernì
che ce cummanna e c’arrobba
mò se n’adda ji
Je pienso a Masaniello
si turnasse mmiezo a ‘stu burdello
ce cuntasse ‘o passato
“Aggio luttato fino a quanno
so muorto ammazzato”

E chi canta e chi sogna e chi spera
e chi more (quanta gente che more)
tutte ‘e juorne (vonno vivere ancora)
sta speranno che cagnammo davvero

Nun pozzo vivere accusì
‘sta vita è ‘a mia!!

Adda venì Baffone
pe’ cantare chesta mia canzone
a tutte ‘sti signure
ch’a nuje ce fanno passà
tiempe sempre cchiù dure

Masaniello nun è venuto
ma ‘a nuttata nu è ancora fernuta
guagliù, chi amm’aspettà?
Primma che vene dimane
c’avimma scetà

E chi canta e chi sogna e chi spera
e chi more (quanta gente sta ‘nterra)
tutte ‘ juorne (si fernesse ‘sta uerra)
sta speranno che cagnammo davvero
Nun pozzo vivere accusì
‘sta vita è ‘a mia!!